早排去九龍城食飯，行開泰國鋪事頭婆介紹左黃咖哩醬叫我買，話好好食，買左後一直未整，今日就解決左佢先，一路煮已經覺得好香喇，今次唔食飯，加多個薄餅點黎食，好好味呀，兩人好快就清左碟！
朋友的爸爸仙遊，一大班朋友都有心地到靈堂致祭。過後，朋友聚頭也是要醫肚的，去了附近的生記茶餐廳。
店的地方不大，但貼了很多明星到來的照片。
羔蟹粥：
二百一蚊左右鬼咁大窩，羔蟹好多羔又鮮甜，粥底綿到不得了又盡吸蟹之精華，沙窩底有少少粥是痴底的，至正呢部份，咪錯過。
炒麵，係，Out Focus，有原因，因為太好食，炒得好乾身，味道剛剛好，真係不知不覺就食幾碗停唔到！
籠仔蒸飯係有幾款既，由於當日又話蜆賣晒蟹又食過，蟶子啦咁！下面既飯略略炒過，吸收蒸蟶子既蒜蓉豉油與粉絲，無論你幾飽，你都一樣會食！
八爪魚丸，又係好食！首先，極之彈牙，當中混入新鮮八爪魚粒，鮮甜到不得了，又大粒，炸得剛剛好，必點！
其他好好食但影唔切包括有雞翼啦，椒鹽八爪魚咀，蒜蓉蒸茄子都要食。
話說牆上貼明星相都同一位以為佢都係明星既男仔合照，再睇牆上餐廳報道，八十後廚師！店內幾位女士就不斷試圖或意圖入廚房附近偷望。師傅仔出過黎一次，真人黑瘦，應該捱得辛苦，但的確幾靚仔，可能被幾位女士嚇親，之後成晚，都無出過黎喇。
剛過去的星期天，買了一條新裙，第二天立刻穿上班，同事 R 早上見到我，先來個「日行一善」，稱讚一番.......
R：今日做咩咁靚嘅.......
F：佢今晚去飲.......
我：哈哈，有幾靚呀？咪返工裙一條.......
R & F O晒嘴！
也許因為我近年無論是穿套裝、smart casual丶還是 casual，大部份都是襯褲為主，所以我偶爾穿上裙子，同事都會覺得比較好看。
其實是認真的，今年特別想穿裙，皆因厭倦了下雨天時西褲丶尤其是褲腳被弄濕了，要「噏」全日那種感覺，穿裙弄濕了腳，可以直接抹乾腿，比穿褲子容易處理得多！
