返到屋企大廈大堂，前面有位老人家，望落就算冇八十歲都最少七十幾，行動比較緩慢，而且好似要好費勁至拉得住大堂果度都幾厚嘅玻璃大門，我喺佢大概兩個身位之後，伸手拉住度大門，一心等老人家入完 lift lobby 我至行。點知呢個時候，喺我後面果個著住整齊西裝丶一幅「返工 look」嘅男人，望咗我一眼，有啲唔耐煩咁樣，想喺我身邊攝入過去.....
不過，我冇望個男人，亦冇同佢講野，更冇表現任何情緒出來，而係當個男人透明，雙眼只望向原本 focus 嘅方向，make sure 阿伯入到去 lift lobby，而身體亦一樣保持原本嘅方向，冇意途去「擋開」或閃避個男人，只係心想，有 guts 你可以撞埋嚟.....
當然，個男人冇夾硬打尖，但見我當佢透明，佢依然行喺我側後方，即係冇完全退返去後面，我冇理佢，一於如常跟住老伯後面，而個男人就「亦步亦趨」咁跟住我入去。好鬼乞人憎！
其實，如果佢趕時間，大可以有禮貌（註：係要有禮貌，而唔係唔耐煩）地講聲唔該，我有乜好意思唔讓佢吖，慢都只係慢果一丶兩秒鐘，不過一幅老馮要人比佢行先嘅態度， Sorry 喎，我睇你唔到囉！
嘩，《風雲天地》個名同舊時常用劇名勁似，跟住劇情又熟口熟面！
我最大疑問係點解1987年(劇中說是廿年前)…李詩韻和黎視帝個look咁六十年代既？
仲有點解廿年前會變咗李詩韻？？？但廿年前的姚大明同而家的姚大明都係孫興喎﹗點解既？
同埋做咩阿姐而家做番花旦？前陣子先有套劇上(但唔記得名﹗)，而家又嚟一套﹗星期日仲有個唱歌show…！
強烈覺得轉去電影台睇電影好過，或者可唔可以同《武則天》調時間？雖然我受唔住武媚娘塊面勁白，然後李治廷成日噢咀，但有趣過呢套《風雲天地》囉…
我都唔講啲極不流暢又京又港的用字啦…
餐廳食ribs價錢越黎越貴, 最近發現日式超市有ribs賣，
所以買返黎自己整, ribs質素很不錯。
好簡單，主要用叉燒醬+海鮮醬+糖等等醃就ok，想入味醃過夜就更 good，
然後放入光波爐或焗爐開大火焗，塗完蜜糖再焗就ok，
同餐廳整的一樣咁好味呀！
