假若你會用公司的internal email與其他同事溝通...
當你與其他同事講你阿head的是非...
神推鬼使下卻把此email send了俾你阿head...
換作是你的話，你會怎麼辦呢？...
我個被鬼遮眼的朋友仔就發生了這大鑊事件...
而佢的做法是「和盤托出」，大膽地兩邊講大話...
直認自己與同事A一直有電郵上的交往...
話嗰封電郵的內容所講的係同事A的上頭諗法...
(剛巧同事A的上頭與朋友仔的阿head係有心病....)
朋友仔知道自己在公司命不久已...
明刀明槍訴說自己阿head的是非，而且證據確鑿...
雖然「解話」牽強，冇其他辦法，唯有以大搏大...
而佢亦唔會與同事A講番此件事...
但我也蠻佩服朋友仔的「急才」，在一瞬間俾佢諗到解決方法...
經過此役後，朋友仔都唔夠膽立亂用公司email講私人野啦...
其實佢公司人唔係多，但是非卻數唔停...
都係嗰句，公司陰盛陽衰的話，是非多籮籮...
早排，一位親戚離開咗，佢年紀都好大，很久沒碰面，但對我地兩代人都照顧有加，細細個就睇住我地大，對我地一家都好大影响，之後因為搬咗屋，慢慢越大就越少見面，往往一年先一次，上次見面都幾年他太太離開，心裡面都好難過，因為入咗老人院之都未去過探佢，之後無耐就走了，但當晚佢既子孫都打點得好好，而在堂內沒有太多悲傷的感覺，都年紀較大，大家心裡面都已有一個預算，自己好似去咗一個親戚聚會咁，心諗，有時好似真係好似到白事嘅時候先會見返啲舊親戚朋友。
每次這個時候，其實都好想寫低自已的想法，身後事想點，係咪行得太前？今日唔知聽日事，行路都會比車撞啦。
1) 基督教儀式。
2) 我份人鐘意笑，就算我走咗，當然我都好希望多啲朋友黎歡送我，但我指真係歡送我，開開心心咁笑一場。
3) 所以都唔駛播嗰啲悲歌，反而播啲開心啲嘅歌就好，特別要點一首歌，每次都好BUY 陳奕迅- 活著多好。
4) 瞻仰遺容，呢個部份真係可圈可點，我唔知走時係咩環境，或者個師傅手勢好唔好>_<" 所以我唔會刻意要求取消呢PART，但說真的，我只想各位同我講聲BYEBYE就好，加多個笑臉或者鬼臉就更開心，我OK架。
5) 葬送地點，作為一個香港人我明白有塊地係最好嘅，但啲地咁貴而我又鍾意海多啲，所以海葬就最好嘞，一來我LIKE海，二來上山太辛苦。大家都老人家啦，頭幾年可能多啲人黎 (可能都無)，過兩年都可能無咯，咁去海邊，咪可以當去海邊野餐或者攪個上船開P釣魚，一舉兩得。至於地點就未諗好，諗好先UPDATE啦。
收到中學同學相邀去聚舊。我例牌問了大家近況，然後當看到大家的近照後（他們上次的GATHERING），我又有點情不自禁地心直口快了………不過這次我忍住！我只說，呀大家都長大了！（很有口德）
然後呢，我竟然發現到，我的中學戀人竟在上次他們的GATHERING裡出現了！
想想也真奇妙啊，多年無見，大家都走過了千山萬水，樣子老了，心境變了，但那顆識於微時的赤子之心還留在體內某個角落吧。雖然沒有真正見到他們的真身，但從照片裡也看到歲月在我們身上走過的痕跡（可幸的是，我還沒有變成肥肥的師奶）。
中學啊，真是讓人懷緬的好時光。初中的時候，我算是級內的壞學生吧，常常帶頭搞事（註：學校是BAND 1的英中呀吓，不是在天水圍那種中學），老師遇到我這種學生，感到非常頭痛。成績永遠是第一個學期很差，但第二個學期不錯（因為第一個學期後要見家長，我媽永遠見完家長後會聲淚俱下地與我對峙，唉不想煩，所以第二個學期都會發奮圖強）。
中學時的我，好像對運動也非常熱衷，我是排球隊的隊員，也曾入選過羽毛球隊。那時候，一放學就在學校玩到癲，學校的球場超大，同時可以兼容多種球類的訓練。球場上有男孩子一直喜歡我，但我到很後期才漸漸意識到，我不是後知後覺感情遲緩，而是根本對那些人沒有感覺，就不會節外生枝地想其它。明明是一起玩，怎會忽然想到男女之情呢？我又不是花痴，不會常幻想誰誰誰對我有意。………我的心，一直靜靜懸在一個孤單的男孩身上（應該是自中二開始吧）………（我要開始寫回憶錄了嗎？？！）
