某女同事即將結婚，在公司內跟造衫公司通電話。
掛線後，她跟其他男同事說: 間公司話我伴娘著XXXL碼，要加100蚊。
有人說: 嘩你真識揀。
也有人說: 你XL佢XXXL?
如是者，她彷彿要向自己部門的男同事都講一遍，讓大家不懷好意地期待。
大概，飲宴當天大家便會見到那個XXXL伴娘。
真好朋友！
第一次到這餐廳果真不算好找：位於雪廠街，而餐廳門口極低調，更容易被餐廳招牌誤導進入另一店舖。不過，當光顧過第一次，就自然想再去——因為，就算位於中環，到這餐廳用餐，彷彿突然不在中環，好像到了歐洲小餐館一樣。我講的是Ole Spanish Restaurant。
點解我會話唔似係中環呢？希望呢張相可以解答到：
除非有巴士行經，否則望出去真係好唔中環。午市套餐分三個courses或者四個courses。
以下係檯檯都有
左邊，西班牙肉丸，右邊，薯仔沙律。絕不會因為送俾你食而是是但但，兩款都好高水準，前者蕃茄汁原汁原味，撈飯都得。
睇下我食過乜：
呢款係墨汁海蝦杏仁釀小魷魚，沒有刻意調味，食出原材料新鮮與鮮甜。
忌廉海鮮湯，無記錯應該有用酒煮，香濃好味。
呢個清湯又係乜？五小時清燉傳統牛肉黑毛豬濃雞湯，所以，啖啖精華。
西班牙沙律，其實都係果ｄ野，不過新鮮同埋個油醋汁好唔錯。
主菜：
Segovia烤乳豬，朋友食既，俾左我試，香口皮脆。
雪魚柳伴墨魚汁飯，雪魚柳外層用芝士烤焗，好好味。
Catalonian noodles and seafood paella 足料好味，海鮮好新鮮。
西班牙油炸鬼Churros，點一點特濃朱古力醬，難以抗拒。
Tiramisu係好有水準，酒香咖啡香好平衡而且鬆化。
西班牙米布甸，清甜之選。
套餐仲有咖啡茶，中環想食好西，呢間絕對去得過。
週末一起來都已是中午了，前一晚打邊爐，吃了很多肉，
所以煮了這個吞拿魚通粉做lunch，
加了很多洋葱來煮，特別好味！
